و صفات طبيعية لتنطيف المطبخ من الجراثيم و الدهون

في جيش من ملايين الجراثيم بتعيش في المطابخ زي الإي كولاي والسلمونيلا اللي بيسببوا أمراض خطيرة جداً، والجراثيم دي بتتوغل بشكل سريع جداً داخل كل أدوات المطبخ.

علشان كده من الضروري جداً إن يكون عندك معرفة كافية بطرق تنظيف كل أنواع الأواني وأدوات المطبخ خصوصاً بعد لمس اللحوم والبيض وطرق تنظيف الأماكن غير الظاهرة داخل المطبخ زي مقابض الفرن أو أزرارالميكروويف أو الحنفيات.

الأحواض والحنفيات من أكتر الأماكن اللي بتنمو فيها الجراثيم، وعلشان تتخلصي منها لازم تنضفي الخنفيات كلها كل مرة بعد تحضير الأكل.

البوتجازات والأفران ومقابضهم من أكتر الأماكن في المطبخ المعرضة إن يترسب عليها الدهون بسبب الزيت أو السمنة المستخدمين في الطبخ، وعلشان كدة لازم يتم تنضيفهم أول باول علشان تتفادي تجميع جراثيم أو أوساخ حوالين البقع الدهنية دي.

اهتمي بتنظيف رخامة المطبخ أو ألواح التقطيع كويس جداُ بعد تقطيع اللحوم عليهم.

في كل عمليات التنضيف اللي فاتت تقدري تستخدمي المنظفات الخاصة بالمطبخ وتقدري تشتريها من أي سوبر ماركت:

لأن مفعولها بيكون قوي جداً علي الترسبات الدهنية الموجودة علي أسطح المطبخ.
وبتكون مصممة خصيصا للقضاء على الجراثيم الموجودة في المطبخ.
في أنواع متعددة منها بتكون معبأة في بخاخات علشان تسهل عليكي تنظيف الشقوق حوالين شعلات البوتجاز.

وعلي الرغم من إن المنظفات الموجودة في المحلات آمنة، إلا إن في ناس كتير بتفضل تستخدم منظفات طبيعية زي:

الليمون لأنه يعتبر مبيض طبيعي قوي وكمان بيقدر يشيل الدهون الموجودة علي أسطح المطبخ.

والبيكينج صودا (كربونات الصوديوم/ كربوناتو)لأنها بتمتص كل الروائح الكريهة

و الخل لأنه بيساعد في القضاء على الجراثيم والعفن.

في السطور اللي جاية هنقولك علي طرق لإستخدام المواد الطبيعية دي في تنظيف حاجات كتير جوه مطبخك:

اخلطيالخل مع المياه بكميات متساوية وحطي الخليط في بخاخة وهيبقي عندك منظف طبيعي متعدد الأغراض تقدري:

ترشي منه علي أرضية ورخامة المطبخ وتمسحي بعده بمنشفة مطبخ هتلاقهيم نضفوا وبيلمعوا كمان.

2.تحطي منه في الغلاية لمدة ساعة وبعد كده شغلي الغلاية، وبعدها اشطفيها ولمعيها من بره بمنشفة مطبخ هتلاقيها نضفت ورجعت جديدة.ولو عايزة الغلاية تكون ريحتها منعشة ضيفي عصير ليمون مع المياه والخل.

تنضفي بيه غسالة الأطباق، اعملي دورة غسيل كاملة من غير ما تحطي أي مواعين جوه الغسالة، حطي بس كوب فيه خليط الخل والمياه.

4.ترشي منه بكميات وفيرة جوه التلاجة علشان تنضفيها

ولأن التلاجة عضو مهم أوي جوه المطبخ تنضيفها ليه إجراءات خاصة:

خرجي كل الأكل الموجود في التلاجة وحطيه علي جمب، ولو لاقيتي أي أكل متعفن أو منتهي الصلاحية أرميه فوراً لأنه سبب رئيسي للروائح الكريهة كمان هيتسبب في إفساد الأطعمة التانية.
متنضفيهاش أبداً بمنظفات كيميائية لأنها حتي بعد شطفها ممكن تترك بقايا من المواد الكيميائية وبالتالي هتسبب أضرارصحية لو لمست أو تسربت للأكل الموجود في التلاجة.
طلعي كل الرفوف والأدراج ونضفيها بشكل منفصل علشان تسهل عليكي وعلشان تقدري تنضفيها كويس.
سيبي التلاجة تتهوي شوية بعد التنضيف، وبعدها رجعي كل حاجة مكانها واستخدميها عادي.

ومن المنظفات الطبيعية القوية اللي هتفيدك في المطبخ معجون البيكينج صودا مع المياه، وبيتعمل عن طريق خلط نص كوب بيكينج صودا مع 3 أو 4 معالق مياه كبيرة، وبيستخدم في :

تنظيف البوتجازوالفرن، وسيبي المعجون نص ساعة وبعدها امسحي بمنشفة مطبخ يفضل تكون مايكروفيبر علشان تشيل كل بقايا الأكل بسهولة.

لكن لو في بقايا أكل صلبة اكشطيها قبل ما تتضفي بمعلقة.

ومتنسيش تنضفي وتلمعي المقابض بتاعتهم كويس.

تنظيف التلاجة في حالة وجود بقع صعبة علي أي رف فيها مثلاً، حطي المعجون علي البقعة لمدة ساعة وبعد كده امسحيها باسفنجة.
تنظيف حوض وحنفيات المطبخ وتسليك أي انسداد يحصل في الحوض.

ممكن تضيفي أي زيت عطري زيت الليمون أو اللافندر لمعجون البيكينج صودا مع المياه علشان تحصلي علي ريحة حلوة ومنعشة للبوتجاز والفرن والحوض وجوه التلاجة.

استخدمينصف ليمونة مع كمية وفيرة من الملح الخشن في تنضيف ألواح التقطيع بشكل كويس جداً جداً خاصة بعد تقطيع اللحوم علشان تتخلصي من أي جراثيم. رشي الملح علي لوح التقطيع و ادعكيه بقوه بالليمونه كأنها اسفنجة وبعد كده اشطفيه وسيبيه لحد ما ينشف.

اعصري ليمونتين في طبق فيه حوالي 300 ملي مياه وضيفي قطرات من الخل، حطي الطبق اللي فيه المياه وعصير الليمون والخل والليمون المعصور نفسه في الميكروويف.

شغلي الميكروويف علي الطبق من 5 لـ10 دقايق علشان البخار يتكثف جواه، وبعدها امسحيه بمنشفة مطبخ عادية هتلاقيه نضف تماماً، ومتنسيش تمسحي الجزء الخارجي منه كويس وخصوصاً الأزرار لأنك بتتعاملي معاها بإستمرار.

وأخيراً، ممكن ترشي بيكينج صودا على نصف ليمونة وتستخدميها كأنها اسفنجة لتنظيف الأنواع المختلفة من أواني الطهي ماعدا الأواني المصنوعة من الألومنيوم، لأن الليمون والمواد الحمضية عمموماً بتسبب تلف الألومنيوم

أثناء استخدام أي طريقة تنظيف من إللي فاتوا متنسيش تلبسي جوانتي مطبخ مطاطي عشان يحمي إيدك من التأثير الضار لمواد التنظيف.

Post Views: 80,662