عيد الأم يعني أدوات مطبخ

مش فاضل كتير علي عيد الأم، ولسة بتفكر تجيب إيه هدية لماما؟

“يلا جواز” في المقال ده هترشحلك حاجات تنفع تكون هدية لماما في عيد الأم ومناسبة جداً لو ميزانيتك متوسطة.

أول حاجة لازم تعرفها وأنت بتجيب الهدية أنك تختار حاجة مامتك محتاجاها وهتستفيد بيها وهتفرحها جداً.

و لأن الأمهات بيقضوا وقت طويل جداً في المطبخ, فأكيد هيحتاجوا حاجة تهون عليهم واقفتهم 😉

أول هدية بنرشحهالك هي طاسة سيراميك جريل تسهل عليها شوي اللحوم أو الفراخ من غير ما تلزق وخصوصاً إن بقي متوفر منها في المحلات بأسعار مناسبة جداً.

أو مثلاً قلاية تيفال تعمل فيها البطاطس والبانيه بسهولة ومن غير ما تتعب بعد كده في تنضيف القلاية.

ترشيح تاني من “يلا جواز” لماما إللي الحلويات لعبتها وعلي طول بتعملك كيك وتارت وبراونيز وحلويات شرقية لذيذة هو قوالب الحلويات السيليكون وصواني الفرن  التيفال أو السيراميك المدورة أو المربعة حسب هي بتحب شكل إيه أكتر.

لو طقم المعالق الخشب اللي عندها بدأ يقدم أو تظهر عليه تشققات، فاجئها وهاتلها طقم جديد، هتفرح بيك أوي.

ولو حاسس إن طقم المعالق الخشب لوحده مش كفايه ممكن تجيب معاه طقم علب تلاجة شيك مفيش أم مش بتحتاجه.

وبالنسبة لأطقم التوابل فهي هدية مناسبة جداً لأنها موجودة بشكل وألوان ملهاش حصر وفي منها البلاستيك والميلامين والخشب، تقدروا تختاروا منها المناسب لذوق مامتك وحسب ميزانيتك، وصدقني كل الأمهات بيحبوا يجددوا طقم التوابل بتاعهم بإستمرار.

لو ماما من محبي القهوة ممكن تجيبلها طقم كنك تيفال بلون مميز هي بتحبة، ولو بتحب الشاي أكتر يبقي الهدية الأنسب طقم شاي أنيق من البورسلين أو الزجاج الحراري.

طقم أطباق أركوبال برسمات أو ألوان أنيقة أو طقم بولات شوربة شكلة مختلف عن الأطقم اللي عندها أو طقم كاسات كريستال جديد ممكن يكونوا هدية حلوة لماما في عيدها 😉

و طبعاً هتلاقوا كل المحلات و المعارض بعروض مميزة علي موقع يلا جواز

More from ادوات المنزل و المطبخ

---