كيفية تطبيق المكياج لكل أشكال العيون والأخطاء الشائعة

مكياج العيون هوالجزء الأهم والأصعب من أي ميكب بتعمليه سواء كان ميكب يومي أوميكب سهرات أوحفلات، وكمان بيحتاج لمهارة خاصة في تطبيقه علشان يطلع في النهاية بمظهر جذاب ويبرز جمال عينيكي.

علشان تقدري تحصلي علي مكياج عيون ثابت لساعات طويلة وألوانه قويه وواضحة أول خطوة لازم تستخدمي برايمر عيون قبل ما تحطي ألوان ظلال العيون”eye shadow” أوالايلاينرعلشان تتجنبي إنهم يسيحوا تحت العين ويسببوا مظهر غير مرتب أبداً لوجهك.

الخطوة التانية بعد وضع برايمر العيون هتبدأي بوضع ألوان ظلال العيون بشكل يناسب شكل عيونك:

العيون المبطنة: اسمها كده علشان الجفن العلوي بيكون نازل علي الجفن السفلي المتحرك، اختاري ألوان فاتحة وذات مظهر مطفي غير لامع وحطيها علي جفن العلوي واختاري لون أغمق لتحديد الطية الكبيرة فوق العين.

خلي الآيلاينر رفيع جداً وممكن تمدّيه شوية لفوق علشان تعملي آيلانر مجنح “winged eyeliner” وحددي الجفن السفلي بقلم كحل علشان توسعي عينيكي.

العيون اللوزية: شكلها غالباً بيشبه اللوز والزاوية الخارجية للعين بتكون إلي حد ما مغلقة ومتجهة للأسفل شوية، اختاري ألوان فاتحة وحطيها علي الجفن العلوي كله، وفي الزاوية الخارجية للعين حطي لون أغمق

بعدها حددي العين بالآيلاينر؛ ارسمي خط فوق رموشك العلوية وتحت رموشك السفلية، الخط لازم يكون رفيع عند أول العين وأعرض شوية في آخرها.

العيون البارزة: ماكياجها محتاج دقة وتركيز علشان غلطة صغيرة ممكن تتسب في زيادة حجمها أكتر من اللازم وهتخلي شكلها مخيف كأنها مبرقة

استخدمي ألوان ظلال عيون غامقة على الجفن السفلي المتحرك وألوان فاتحة و زاهية على الجفن العلوي، و استخدمي كحل اسود في تحديد العين من جوه علشان في النهاية شكل العين يبقي طبيعي وتقدر تبرزي جمالها.

العيون الناعسة: غالباً بتكون منحنية لتحت، استخدمي ألوان غامقة علي الجفن المتحرك ولازم تعملي جناح للأيلينر علشان ترفعي شكل العين.

أثناء وضع ألوان ظلال العيون علي أي عين في فرشتين أساسين لازم تستخدميهم هما الفرشة المسطحة الصغيرة وفرشة الدمج، لانهم هيساعدوكي إن مظهر مكياج العيون يبان طبيعي في الآخر.

ابعدي تماماً عن الفرشة الصغيرة اللي غالباً بتيجي مع علبة ظلال العيون “eye shadow” لأنها مش بتوزع الألوان بشكل صحيح وبتخلي الألوان تبان كأنها بقع مش مدموجة أبداً.

بالنسبة لرسم الآيلينر، اختاري فرشة رفعية جداً علشان تسهل عليكي الرسم، وارسمي خط الآيلينر من جو لبره العين.

دلوقتي تقدري تلاقي في محلات أدوات التجميل ألوان للآيلينر غير اللون الأسود التقليدي زي الدهبي أو الفضي أو الأخضر أو الأزرق وغيرها كتير، ودول عادةً بيستخدموا في الحفلات أو عروض الأزياء مثلاً.

في كل أشكال العيون استخدام الماسكارا شيئ أساسي علشان تبعدي الرموش عن بعض وتضيف ليهم إيحاء بالكثافة والطول، بس خدي بالك متحطيش أكتر من طبقتين علشان لون رموشك ميبقاش أغمق من لون حواجبك بكتير.

وبما إن شكل الحواجب شيئ مكمل لمظهر مكياج العيون لازم تهتمي برسمها بشكل جيد ومناسب مع ملامحك، وحاولي ديماً متغيريش حجمها الطبيعي بشكل مبالغ فيه، يعني ولا رفيعة أوي ولا عريضة أوي.

وطبعاً لو عندك مناسبة مهمة هيكون من الأفضل إنك تستعيني بخبيرة تجميل أو ميكب أرتيست علشان مكياجك ميكونش فيه أي أخطاء وإطلالتك تكون أنيقة، ودلوقتي كمان تقدري تتفرجي علي كل عروض البيوتي سنتر و الميكب الارتيست الموجودة علي موقعنا وتحجزيها وأنتي في مكانك.

Post Views: 247