النصائح والخطوات الأساسية للعناية المستمرة بكل أنواع الشعر

قالوا زمان إن شعر البنت تاج، تاج بيخليها تحس إنها ملكة.

ولأن التاج ده حاجة مهمه لازم نعرف إزاي نعتني بيه علشان يبقي صحي وبيلمع .

أول خطوة في الأهتمام بشعرك، هي الاهتمام بتنظيفه وغسله بصفه دورية، بس ده مش معناه إنك تغسليه كل يوم لأن ده وبيحر م الشعر إنه يستفيد من الزيوت اللي بتفرزها فروة الرأس بشكل طبيعي وبالتالي الشعر بيتهلك وبينشف.

اغسلي شعرك مرتين أو تلاتة بالكتير أوي في الأسبوع، وحاولي ديماً تختاري شامبوهات مفيهاش مواد كيمايئية ضارة.

بعد ما تغسلي شعرك بالشامبو استخدمي نوع بلسم يكون خالي من السيليكون لأن تراكم السيليكون من علي فروة الرأس هيسد مسامها وبالتالي مفييش أي تغذية ولا ترطيب هيوصلوا للشعر.

تاني خطوة هي الترطيب، ولأن شعرك محتاج ترطيب وتغذية بشكل دائم، فأحنا بنقسم الترطيب لنوعين: ترطيب يومي وترطيب أسبوعي.

أولاً: الترطيب الأسبوعي

مفيش احسن من منتجات الطبيعة تقوم بالمهمة دي، أعملي حمامات زيت بزيوت طبيعية زي مرة أسبوعياً:

زيت الزيتون و الجوجوبا والأرجان وجوز الهند والخروع وزيت بذور العنب.

مش كل الزيوت بتنفع مع كل أنواع الشعر وعلشان كده لازم تجربي لحد ما تعرفي الأنواع الأنسب لشعرك.

اخلطي زيوتك المفضلة مع بعض وسخنيهم لمدة دقايق في الميكروويف وبعد كده ادهنيهم علي شعرك وعلي فروة رأسك ، وسيبهم علي شعرك من 4 لـ 5 ساعات وبعد كده اغسليهم بشامبو يكون خالي من المواد الكيمايئية الضارة.

أثناء عمل حمام الزيت يفضل تخلي راسك مقلوبة وتدلكي فروة راسك لمدة متقلش عن 5 دقايق.

بجانب الزيوت ممكن تجربي استخدام حمامات الكريم مرة في الأسبوع بدلأ من البلسم العادي، حمامات الكريم ممكن تشتريها من الصيدليات أو محلات أدوات التجميل ومنتجات العناية بالبشرة أو من محلات السوبر ماركت الكبيرة.

اختاري برضه أنواع تكون خالية من السيليكون علشان تفيدي شعرك من غير ما تعرضيه لأي ضرر، ولأقصي استفادة ممكنة تقدري تضيفي علي حمام الكريم قطرات من زيوتك المفضلة.

وتقدري تقضي علي قشرة الشعر بإضافة نقطة أو نقطتين من زيت علي حمام الكريم.

سيبي حمام الكريم علي شعرك قبل الحمام من لمدة متقلش عن ساعتين وبعدها اغسليه بشامبو مناسب.

ثانياً: الترطيب اليومي:

استخدمي كريمات تصفيف الشعر أو أنواع البلسم الخفيفة اللي مش بتحتاجي إنك تشطفيها علشان ترطبي شعرك بشكل يومي سواء بعد الغسيل أو من غير ما تغسليه.

تالت خطوة هي تصفيف الشعر، ويفضل إنك تسرحي شعرك وتسلكية أثناء الحمام الشعر لسه عليه البسلم أو حمام الكريم علشان تتفادي سقوط الشعر أو تقطيعه.

ميتفعش تسرحي شعرك وهو ناشف أبداً أبداً، لما تحتاجي تصصفي شعرك من غير غسيل استخدمي بخاخة ورشي عليه ميه بكمية وفيرة وبعدها رطبي بكمية قليلة من كريم التصفيف وبعدها سرحي براحتك وأنتي مطمنة ومش خايفة من تساقط الشعر.

رابع وآخر خطوة هنتكلم عليها في أساسيات العناية بالشعر هي الطريقة الأمثل علشان تلمي شعرك قبل النوم،اقلبي راسك اعملي شعرك ديل حصان عالي لقدام علي شكل أناناسة، زي الصورة دي:

أو أعمليه مجموعة ضفاير صغيرة ولفي كل ضفيرة فيهم ببنسة علي شكل كحكة صغيرة.

الطرقتين دول هيساعدوا علي تقليل احتكاك شعرك بالمخدة أثناء النوم وبالتالي هيساعدوا علي تقليل سقوط الشعر.

تقدري ترجعي لموقع “يلا جواز” وتختاري من عروض البيوتي سنتر اللي بتقدم خدمات خاصة بالعناية بالشعر زي حمامات الكريم أو قص أطراف الشعر التالفة أو جلسات إزالة التقصيف.

Post Views: 197