كل إللي محتاجة تعرفيه عن أنواع الحلل و الطاسات و أستخداماتهم

الحلل و الطاسات والصواني هما الصديق الأقرب لست البيت لأن ببساطة من غيرهم مفيش مطبخ ولا أكل عشان كده لازم يبقى عندك معرفة كافية بأنواعهم واستخدامات كل نوع ومميزاته وعيوبة، وبالتالي تقدري تختاري بشكل صحيح الأنواع اللي هتشريها.

و عادة بنقسم الحلل و الطاسات والصواني حسب الخامة اللي بيتم تصنيعهم منها، واللي أشهرهم:

الألومنيوم:

الألومنيوم هو الأشهر والأقدم والأوفر سعراً وأبرز مميزاته هي:

موصل جيد للحرارة وبالتالي لي بيسوي الأكل كويس جدا.

أطبخي فيه الرز من غير ما يتلسع أو يتحرق وطعمة بيكون أحلي من الرز المطبوخ في التيفال أو الاستانلس.

غير قابل للتجريح بسهولة فتقدري تستخدمي معاه أي نوع من المعالق في التقليب أو الغرف سواء المعدن أو الخشب أو السيليكون.

اما عن عيوبها:

أول حاجة وأخطر حاجة هي إن بودرة الألومونيوم بتخطلط بالأكل وبتسبب اضرار خطيرة للجسم والمخ.

تاني حاجة الألومنيوم بيغير من ريحة ولون الأكل خصوصاً الأطعمة اللي لونها أبيض زي القرنبيط بتخلي لونها أصفر.

مينفعش تحطي فيها أي مكونات حمضية زي الليمون أوالخل أو الطماطم لأن المكونات دي بتتفاعل مع الألومنيوم.

مينفعش تحفظي فيها أكل في التلاجة.

2.الإستانلس ستيل:

الإستانلس ستيل خليط من مجموعة معادن هما الحديد والكروم والنيكل، وأهم مميزاته إنه ضد الصدأ وإنه برضة غير قابل للتجريح بسهولة.

بس عيبه إن الحرارة مش بيتم توزيعها داخله بشكل متناسب وعلشان كده يفضل إختيار حلل أو صواني أو طاسات جزءها السفلي سميك علشان الأكل مليزقش فيها وجوانبها سمكها رقيق علشان توزع الحرارة بشكل جيد وتحتفظ بيها.

وأنتي بتشتري أواني من الإستانلس ستيل أتأكدي من حاجتين:

إنه الحلة أو الطاسة أو الصينية نفسها محفور عليها 18/10 وده أنسب سمك للإستانلس ستيل نفسه.
وتاني حاجة خدي معاكي مغناطيس صغير قربيه من الطاسة مثلاً لو منجذبش للمغناطيس يبقي النوع جيد لأن ده معناه إن نسبة الكروم مش قليلة بالنسبة للحديد، أواني الإستانلس ستيل اللي نسبة الكروم فيها قليلة بتكون رديئة وبتسبب حرق الأكل وأكسدته.

طريقة تنظيف أواني الإستانلس ستيل:

علشان تنضفي حلتك أو طاستك أو صينيتك الإستانلس ستيل حطي فيها مياة مغلية فيها ملح وليمون وخل أبيض لأنهم من أقوي المنظفات الطبيعية.

سيبيهم 3 أو أربع ساعات وبعدين ادعكيها بإسفنجة جافة في الأول وبعد كده حطي شوية مياه وكملي دعك تاني لحد ما تبقي نضيفة وبتلمع.

لو في آثار حروق في الإناء خليها ناشفة متحطيش عليها مياه خالص، رشي عليها بيكربونات الصوديوم وسيبيها شوية وبعدين ادعكيها بنفس الطريقة اللي فاتت.

3.التيفال:

التيفال هو عبارة عن أواني الومنيوم مطلية بمادة التفلون غير اللاصقة وبالتالي مش بتخلي الأكل يلزق في الحلة أو في الطاسة ودي أهم مميزاته.

تاني ميزة هي خفة وزنة مقارنة بالأواني المصنوعة من السيراميك أوالجرانيت.

تالت ميزة إنه يسوي الأكل بشكل جيد من غير ما يتلسع.

أبرز عيوب التيفال:

حساس جداً وسهل تجريحه، ولو التفلون اتجرح ممكن يختلط بالأكل ويسبب أضرار صحية كبيرة، ده غير إنه بالشكل ده الألومنيوم بتم كشفه وبيعرضك أنتي وأسرتك لمخاطر الألومنيوم بجانب التيفال.

علشان تحافظي علي التيفال من خطر التجريح لازم تستخدمي معاه معالق خشب أو سليكون.

طريقة التنظيف: الحلل والصواني والطاسات التيفال تنضيفها لازم يتم بأسفنجة ناعمة فقط علشان ميتجرحش.

4.السيراميك:

الأواني المصنوعة من السيراميك من أفضل أنواع الأواني لأنها مصنوعه في الأصل من مادة طبيعية هي معدن حديد الزهر وبالتالي ملهاش أضرار صحية.

استخدميه على نار هادية لأن درجات الحرارة العالية بتسبب حدوث شقوق في الحلل أو الطاسات أو الصواني المصنوعة من السيراميك، واستخدمي معاهم معالق خشب أو سليكون علشان ميحصلش فيهم خدوش.

من أهمم مميزاته: إنه بيسوي الأكل كويس من غير ما يلزق خالص وبالتالي ممكن تطبخي فيه أكلات خفيفة من غير زيت، وممكن تدخليه الميكروويف كمان.

كمان أواني السيراميك بقت متوفرة بماركات وأسعار متفاوته تناسب ناس كتير.

عيب السيراميك إنه وزنه تقيل نوعاً ما وكمان كل ما يكون أتقل كل ما يكون أحسن بس ده بيخلي الأواني السيراميك ثابته أكتر علي البوتجاز وده عنصر أمان مهم.

طريقة التنظيف: الأواني السيراميك سهلة التنضيف جداً، استخدمي اسفنجة ناعمة علشان تحافظي عليه من الخدوش.

5.الجرانيت:

الجرانيت عبارة عن سبيكة من النيكل مطلية بالجرانيت، والجرانيت مادة طبيعية من الأرض علشان كده هي صحية.

أواني الجرانيت فيها ميزة عظيمة جداً إنها غير قابلة للخدش فتقدري تكوني براحتك وتستخدمي معاها معالق معدن عادية ومش لازم تتقيدي بالخشب أو السليكون.

ضروري تكون أواني الجرانيت تكون خالية تماماَ من الرصاص لأنه ليه أضرار صحية في منتهي الخطورة خصوصاً علي الأطفال، ده غير إنه بيدمر العناصر الغذائية الموجودة في الأكل.

وعلشان تتأكدي إن الأواني خالية من الرصاص وآمنة تماماًلازم تتأكديإنه مكتوب عليها الحروف “PFOA”.

اسعار حلل وطاسات وصواتي الجرانيت غالية نسبياً مقاربة لأسعار السيراميك.

تنظيف الجرانيت سهل برضه لأن الأكل مش بيلزق فيه وبتستخدمي نفس الطريقة تنظيف السيراميك

6.البايركس:

أواني البايركس بتستخدم من سنين في البيوت المصرية، من أكثر أوانى الطبخ أمانًا لأنه مش بيتفاعل مع الأكل بأي شكل.

هو علي عكس كل الأنواع اللي فاتت مينفعش يستخدم فوق نار البوتاجاز، بس صواني البايركس ممكن تستخدميها في الفرن عادي زي باقي أنواع الصواني الألومنيوم والإستانلس ستيل والتيفال والجرانيت والسيراميك.

أواني البايركس بتستخدم داخل الميكروويف زي أواني السيراميك.

أما بقي عن الأشكال والاستخدامات فعندنا:

أولاً: الحلل:

مقاسات الحلل فيها تنوع أكتر من مقاسات الطاسات أو الصواني يعني بتبدأ من حلة قطرها 16 سم ولحد 45 أو أكبر، وبأعماق مختلفة.

استخدمي الحلل العميقة في عمل الشوربة أو الطبيخ اللي بصلصة علشان يسهل عليكي التقليب والغرف.

مقاسات الحلل متنوعة لأن هي الأساس في طبخ أي أكلة لأي عدد من الأفراد، مثلاً الحلة مقاس 16 بتكفي من كمية أكل لفرد واحد أو فردين (من 1إلي 2) وبالتالي هي مناسبة لزوجين جٌداد.

كل ما عدد الأفراد يزيد كل ما بتحتاجي حلة أكبر، علي سبيل المثال هتحتاجي حلة مقاس 24 سم أو 26 سم لو أسرتك أكبر شوية وعندك 3 أو 4 أطفال.

ولو عندك عزومة لعدد أفراد كبير هتحتاجي غالباً حلة مقاس 30 سم أو أكبر علشان تقدري تطبخي فيها كمية أكل كافية.

ثانياً: الطاسات:

الطاسات غالباً بتكون يا إما مدورة وده الشكل الأشهر أو مربعة، ومتوفر في الأسواق أحجام متنوعة من الشكلين من أول حجم 18 سم لغاية 30 سم أو اكبر في الطاسات المربعة.

طاسات القلي أو التحمير: بتكون مدورة وبتتفاوت في العمق، استخدمي العميقة في القلي، ومتوسطة العمق في التحمير أو في عمل البيض مثلاً

طاسة الكريب: بتكون مدورة بس مسطحة وبتستخدميها في عمل الكريب أو البانكيك.

الطاسة الجريل: بتكون مربعة و بنستخدميها في شوي اللحوم أو الفراخ.

ملحوظة عامة وأنتي بتشري أي طاسة: اختاري اللي إيدها فيه جزء من مادة مطاطية أو مادة عازلة للحرارةعلشان ما تتلسعيش وانت بتطبخي، واختاري اللي سمكها أكبر علشان تكون ثابتة أكتر علي البوتجاز وأنتي بتطبخي.

ثالثاً: الصواني:

الصواني برضة بتتفاوت أحجامها أول حجم 18 سم لغاية 40 سم أو أكبر أحياناً علشان تناسب كل احتياجاتك خصوصاً في أوقات العزومات والتجمعات العائلية، ومتوفرة في أشكال مختلفة أهمها وأكثرها استخداماً هما الصواني المدورة والصواني المستطيلة:

الصواني المدورة: أشهر استخدام ليها هو الكيك والحلويات المختلفة، وكمان ممكن تستخدم في تسوية الفراخ أو البطاطس في الفرن.

الصواني المدورة بتستخدم في عمل البيتزا، بس لاحظي إن صواني البينزا بتكون عمق قليل جداً

الصواني المستطيلة: بتستخدم في تسوية أكلات كتير في الفرن زي المكرونة بالبشاميل أو الكوسة بالبشاميل أو الجلاش وغيرها كتير.

هتلاقوا عندنا كل معارض أدوات المطبخ و الأدوات المنزلية في موقع يلا جواز 😉

Post Views: 1,035